ค่าวบ่าวเคิ้น

เขียนโดย นายตัวดี ท.ทิวเทือกเขา วันเสาร์ที่ 08 สิงหาคม 2009 เวลา 12:50

ค่าว บ่าวเฒ่าบ่าวเ คิ้น

มอบเป๋นพิเศษหื้อป๋าฮอย ของหมู่เฮาเน้อ

***มโนเนือง ใจ๋เหลืองเ*่ยวม้าน เป๋นบ่าวค้างบ้าน มันตึงทุกข์ใจ๋
อี่นายนาฏน้อง บ้านใกล้บ้านไกล๋ ปอบ่มาไจ บ่เหลียวผ่อหน้า
มาเป๋นดีขอย บ่าวแถ่วเก่งกล้า มีสาวล่นตวย นักล้ำ

ไปแอ่วทางใด สาวแป๋งหน้าง้ำ สะแกงข้างหื้อ ทำเมิน
ง่อมเหงาแท้นัก ทุกข์ใจ๋เหลือเกิ๋น บ่มีจำเริญ สาวบ่แวะเข้า
น้อยใจ๋แต๊นา บ่าวเคิ้นบ่าวเฒ่า สาวตึงบ่มา เอิ้นทัก

อ้ายก่อหล่อเหลา ซ้ำเงินก่อนัก สาวหยังบ่เข้า มาแซว
เยียะก๋านก็นัก ไปไหนก็แผว บ่มีแหลวแตว หนักเอาเบาสู้
วอนสาวบ้านเฮา เข้ามาฟู่อู้ กับป๋าฮอยเฮา พ่องเตอะ

หื้อหายง่อมเหงา จะเผ้าเติกเมอะ อยู่แอมข้างกู้ตึงวัน
ถ้าสาวคนนั้น สะหลดสะหลำ แวะหาอ้ายกำ มาเป๋นคู่ฝั้น
จะฮักตั๋วนาย บ่มีขีดขั้น ฮักน้องคนเดียว แท้ทัก

ขอจบวางลง บ่าวเคิ้นจ่มนัก ขอหื้อท่านได้ รุ่งเรือง
มโนเนือง สุดเสี้ยงเพียงนี้ มอกอี้เล่าหื้อฟัง ก่อนแลนายเหย…..

………………………………………………………………………………………