Breadcrumbs
Home
ห้องสนทนา บทความ ศิลปวัฒนธรรมประเพณี ค่าวฮ่ำฮำเสียงเพลงสตริง
ค่าวฮ่ำฮำเสียงเพลงสตริง
เขียนโดย นายตัวดี ท.ทิวเทือกเขา วันอาทิตย์ที่ 09 สิงหาคม 2009 เวลา 05:23
| ค่าวฮ่ำฮำเสียงเพลง (เพลงสตริง) จากwww.cm77.com โดย..อ้ายจี้กุ่ง |
| 1. (เพลงคืนจันทร์--โลโซ) --- คิดถึงยามค่ำคืน,(อีกฝั่งของท้องฟ้า---ไอน้ำ) ค่ำคืนนี้ มีเดือนส่องแสง กึ๊ดเถิงแก้มแดง ที่แปงแห่งข้า บ่ฮู้ว่าตั๋ว บัวคำน้องหล้า เป็นสันใดจา ค่ำนี้ ตั้งแต่เมื่อสาว เจ้าลาหลีกลี้ หัวใจ๋พี่หนี้ เววน ใคร่หันหน้าน้อง สายทองสักหน ง่อมหาหน้ามน คนเดียวเต้าอั้นๆ 2. (ไม่กล้าบอกเธอ—โจ-ก้อง) จะบอกหลายครั้ง ก่อยังหนักใจ๋ บ่กล้าบอกไป หื้อหายอัดอั้น ว่าพี่ฮักตั๋ว บัวคำน้องหั้น หวังสืบสัมพันธ์ แต๊ตั๊ก แต่กลั๋วแก้มแดง บ่แปงบ่ฮัก กลั๋วจักจ๋ำต้อง หมองดาย กลั๋วฮักพี่นี้ บ่มีความหมาย บ่ใช่ว่าอาย แต่ใจ๋บ่กล้าๆ 3. (ยืดเยื้อ—ไท ธนาวุฒิ) หากว่าน้องฮัก จักไปกับเขา พี่คนบ่เลา คงเหงาหม่นไหม้ หลอนว่าน้องจัง บ่หวังอยู่ใกล้ พี่จักจากไป ไกล๋น้อง จักบ่มาหา บ่มาปากป๊อง ขอน้องอย่าได้ กั๋งวล ขอลาก่อนแล้ว แก้วต๋าคนจ๋น ลาน้องหน้ามน สู่หนตางเศร้าๆ 4. (กล่อม—ฟลุ้ค เกริกพล) อดเอาเต๊อะน้อง บ่ต้องโสก๋า คนเฮาเกิดมา มีสุขโศกเศร้า ใช่มีแต่ตั๋ว บัวคำน้องเหน้า ที่หมองซึมเซา อย่างนี้ บ่มีไผไหน หลบไกลหลีกลี้ จากก๋รรมก่อนกี้ เดิมมา หลับเหียเต๊อะน้อง บ่ต้องโสก๋า ตั๋วพี่นี้นา มาเป๋นเพื่อนเจ้าๆ 5. (รอ---กะลา) รออยู่ตรงนี้ บ่หนีไปไหน รอเรื่อยๆไป จ๋นใจ๋บิ่นบ้าง หวังน้องขวัญต๋า มาอยู่ข้างๆ มาเตียวฮ่วมตาง พี่นี้ หลอนว่าห่างไกล๋ ไปหลายหมื่นลี้ เมินนานจากหนี้ เต้าใด พี่จะรอน้อง บ่หนีไปไหน จะรอต่อไป เนอนายน้องเหน้าๆ 6. (ยิ่งใกล้ยิ่งเจ็บ--อินคา) ยิ่งอยู่ใกล้น้อง ยิ่งหมองหม่นใจ๋ อยู่ใกล้เต้าใด ปวดใจเต้าอั้น เพราะว่าน้องฮัก มาหักสะบั้น ตัดความสัมพันธ์ พี่นี้ คนเฮาฮักกั๋น มาผันหลีกลี้ บ่ตุกข์เต้าอี้ เนอนาย คนบ่ฮัก มันหนักใจ๋หลาย ใกล้ตั๋วบ่ดาย แต่ใจ๋บ่ใกล้ๆ 7. (ไม่มาก็คิดถึง--กะลา) กึ๊ดเติงหาน้อง จึ่งต้องมาหา สหรี๋โสภา จั๋นตาน้องเจ้า ใคร่มาหันตั๋ว บัวคำน้องเหน้า หื้อหายซึมเซา ใจ๋นี้ กลับได้มาหัน สาวงามพี้ลี้ มีกู้อยู่หนี้ แถมคน หัวใจ๋พี่นั้น มันเลยสับสน จ๋ำใจ๋ยอมทน หมองหม่นใจ๋ไหม้ๆ 8. (รักเธอ—แซ้งค์) หากฮักมันจ๊ำ ทำหื้อปวดใจ๋ จะฮักต่อไป บ่ไหวหวั่นเสิ้ง แม้ว่าฮักเฮา มีเขามาเกิ้ง เปิ้นสมแปงเปิง กับน้อง แค่ฮักก่อปอ บ่ขอเรียกร้อง แม้ฮักจะต้อง หมองดาย เถิงฮักพี่นี้ บ่มีความหมาย ขอฮักอี่นาย ฝ่ายเดียวก่อได้ๆ 9. (ขอมือ--ธนพัฒน์) มันง่อมใจ๋ล้ำ ยามบ่มีไผ เหลียวผ่อตังใด ใจ๋ก่อหม่นเศร้า คนโสดไหนหนา จะมานั่งเฝ้า อยู่ข้างๆ เฮา ค่ำนี้ จุ่งยื่นมือมา อย่าลาหลีกลี้ คนง่อมคนหนี้ ตุ๊กข์ทน สวรรค์บนฟ้า จ้วยข้าสักหน คนโสดซักคน มาเป๋นกู้ข้าง ๆ 10. (คนเจียมตัว--โซคูล) ก่อฮู้อยู่แล้ว ว่าแก้วแก่นต๋า บ่สมราคา กับพี่สักหน้อย ย้อนว่าพี่จ๋น เป๋นคนต่ำต้อย คนป่าคนดอย ยากไร้ จ๋ำต้องหดหัว เจียมตั๋วเอาไว้ บ่ฝันอยู่ใกล้ คนดี ขอเพียงแค่น้อง แม่ทองใสศรี ฮู้ว่ายังมี อ้ายนี้ใฝ่เฝ้าๆ 10. (คนเจียมตัว--โซคูล) ก่อฮู้อยู่แล้ว ว่าแก้วแก่นต๋า บ่สมราคา กับพี่สักหน้อย ย้อนว่าพี่จ๋น เป๋นคนต่ำต้อย คนป่าคนดอย ยากไร้ จ๋ำต้องหดหัว เจียมตั๋วเอาไว้ บ่ฝันอยู่ใกล้ คนดี ขอเพียงแค่น้อง แม่ทองใสศรี ฮู้ว่ายังมี อ้ายนี้ใฝ่เฝ้าๆ 11. (รอวันฉันรักเธอ—คีรีบูน) ฝากใจ๋ดวงนี้ ตี้ฮักนักหนา หื้อน้องจั๋นตา ฮักษากับเจ้า ยามเมื่อห่างไกล๋ บ่ได้อยู่เฝ้า อย่าหมองซึมเซา เน้อน้อง ฝากฮักกำจ๋า มาต๋ามเสียงฮ้อง เถิงแม้จ๋ำต้อง ห่างไป เถิงต้องห่างน้อง ก่อบ่หมองใจ๋ ห่างต๋วบ่ดาย แต่ใจ๋ยังใกล้ๆ 12. (เก็บ—มอส ปฏิภาน) เก็บฮักเอาไว้ ในใจ๋ประจ๋ำ บ่กล้าบอกกำ ว่าฮักน้องเหน้า ย้อนว่าบ่สม เปิงกวรกับเจ้า สหรี๋นงเลา น้องนั้น ฐานะของเฮา ข้า-เจ้า น้องจั๊น คนละขีดขั้น สังคม ดาวอยู่บนฟ้า เปิ้นว่าบ่สม บ่ใจ้กู้จม อาจ๋มต่ำต้อยๆ 13. (เจ็บสักครั้ง—เต็ม วุฒิสิทธิ์) บ่ฮักพี่แล้ว แม่แก้วต๋าใส น้องจะจากไป ก่อต๋ามใจ๋เจ้า ก่อแล้วแต่ตั๋ว บัวคำน้องเหน้า ตัดสินใจ๋เอา เต๊อะน้อง พี่คนตุ๊กข์จ๋น บ่กวรเรียกร้อง หื้อน้องอยู่หนี้ บ่ไป พี่ยอมเจ็บจ๊ำ นั่งน้ำต๋าไหล หัวอกตังใน ยอมได้เพื่อเจ้าๆ 14. (ไม่เป็นไร---นูโว) บ่เป๋นหยังน้อง อ้ายบ่เป๋นหยัง เถิงน้องจะจัง ก่อจั้งเต๊อะเจ้า เถิงน้ำต๋าไหล เสียใจ๋นั่งเศร้า ก่ออดใจ๋เอา ข่มไว้ น้ำในต๋า จะเอามาไจ๊ ล้างจิตใจ๋หื้อ สบาย เสียใจ๋วันนี้ พูกหนี้ก่อหาย มอกอี้บ่ดาย อ้ายปล๋งใจ๋ได้ๆ 15. (บอกมาคำเดียว--ไมโคร) บอกมาเต๊อะน้อง บ่ต้องเกร๋งใจ๋ ถ้าน้องจะไป ก่อต๋ามใจ๋เจ้า สุดแต่หัวใจ๋ ของนายน้องเหน้า ตัดสินใจ๋เอา เต๊อะน้อง น้องจะฮักไผ ต๋ามใจ๋เรียกร้อง ขอน้องอย่าได้ กั๋งวล บอกอ้ายมาเต๊อะ บอกอ้ายสักหน อ้ายจะยอมทน อดใจ๋ฟังเจ้าๆ 16. (อยากให้รู้ว่าเหงา—เจ เจตริน) อยากหื้อฮู้ไว้ ใจ๋มันง่อมเหงา นั่งอยู่กับเงา ซึมเซาเศร้าสร้อย ย้อนกึ๊ดเติงหา จั๋นตาสาวหน้อย จึ่งลองโทรกอย หาน้อง บ่ฮู้ว่าเขา อยู่เป๋นเปื้อนป๊อง กับน้องตี้หั้น สันใด โทรมาหาน้อง อย่าข้องขุ่นใจ๋ ง่อมหาบ่ดาย เนอนายน้องเหน้าๆ 17. (นักไต่ฝัน—ไอน้ำ) อดเอาเต๊อะน้อง บ่ต้องหมองใจ๋ อดเตียวต่อไป อย่าได้หมองเศร้า อิดขนาดไหน อดใจ๋ไว้เจ้า อย่าหมองซึมเซา โศกฮ้อน ซักวันนึ่งหนา ขวัญต๋ายอดม้อน สุขจะไหลข้อน ตวยมา สู้ไปเต๊อะน้อง บ่ต้องโศก๋า อดใจ๋ไว้นา อย่าหมองหม่นเศร้าๆ 18. (ขอให้ฝัน—โซคูล) เก็บฝันเอาไว้ ในใจ๋เต๊อะหนา ฝันไว้เต๊อะนา อย่าหมองหม่นเศร้า พ่อแม่ของตั๋ว บัวคำน้องเจ้า ยังผ่อกอยเฮา เน้อน้อง เปิ้นอยู่ตังหลัง ยังเป๋นเปื้อนป๊อง ยังฮ้องบอกเจ้า ตึงวัน ว่าอย่าฟั่งท้อ ขอน้องจุ่งฝัน อิดอ่อนจ้างมัน อย่าหวั่นใจ๋เจ้าๆ 19. (ลมหนาวและดาวเดือน--ปนัดดา) แสงเดือนส่องฟ้า ใจ๋ข้าง่อมเหงา แหงนผ่อแสงดาว ใจ๋หนาวแต๊ไบ้ โอยใจ๋เหย คนเกยอยู่ใกล้ จะเป๋นสันใด ค่ำนี้ กึ๊ดเติงหา บ่ลาหลีกลี้ เดิ้กมาปู๋นหนี้ เนอเฮา ค่ำคืนนี้ แม่จี๋บัวขาว น้องแหงนผ่อดาว เหมือนกั๋นก่อเจ้าๆ 20. (อีกฝั่งของท้องฟ้า--ไอน้ำ) แหงนผ่อฟ้า เวลาใจ๋หนาว แหงนผ่อดาว ง่อมเหงาแต๊ไบ้ กึ๊ดเติงหา ใคร่มาอยู่ใกล้ ได้ก้ากึ้ดไป อย่างนั้น ข้างๆ ตั๋ว บัวคำน้องจั๊น มีไผอยู่หั้น จั๋นตา ข้างๆ พี่นี้ บ่มีไผจ๋า ง่อมใจ๋แต๊นา กึ้ดเติงหาเจ้าๆ 21. (แมงปอหลงลม—ลานนา) ก๋ำบี้ตัวน้อย ล่องลอยเวหน อิดอ่อนบินวน สับสนใจ๋เจ้า เหมือนกับตั๋ว บัวคำน้องเหน้า มาหมองซึมเซา อย่างนี้ คนเกยใฝ่หา มาลาหลบลี้ จึ่งเป๋นจะอี้ แลนาย คนเกยฮัก มาหักใจ๋หาย บ่เหลียวดูดาย ใจ๋สาวหม่นเศร้าๆ 22. (วิชามาร—เท่ อุเทน) อยากใคร่ฮู้ ใคร่ดูหัวใจ ของน้องคำใบ หน้าใสผี้หลี้ ว่าเป๋นสัง หยังมาจะอี้ หน้าต๋าก่อดี แต๊ตั๊ก ไปจุไผๆ หื้อมีใจ๋ฮัก แล้วผลักใสหื้อ ซมซาน มาจุหื้อฮัก แล้วหักใจ๋หาญ เป๋นวิชามาร ผลาญใจ๋จายเล่นๆ 22/2/49 23. (ตกลงเราเป็นอะไรกัน—gear knight) ตกลงแล้ว แม่แก้วแก่นต๋า บอกหน่อยเต๊อะนา อย่าจุหลอกเหล้น ตี้คบกั๋นมา ปาใจ๋ตื่นเต้น มันเป๋นจะใด แน่น้อง เวลาไผๆ สงสัยปากป๊อง เปิ้นฮ้องถามอ้าย ตึงวัน ว่าอ้ายแลน้อง เป๋นอะหยังกั๋น ฮักแต๊ผูกพันธ์ แฟนกั๋นก่อเจ้าๆ 24/02/49 24. (หวาน—โมทย์) หวานแต๊หวานตั๊ก หวานนักหวานหนา หวานแต๊ๆ นา บ่ใช่ว่าเหล้น หวานกว่าน้ำตาล หวานจ๋นเข้าเส้น หวานใจ๋ชื่นเย็น แต๊ตั๊ก ได้หันยิ้มสาว ผมยาวน่าฮัก เกือบจักดิ้นจั๊ก ใจ๋วาย หวานแต๊หวานตั๊ก หวานนักหวานหลาย หวานจับใจ๋จาย เนอนายน้องเหน้าๆ 25. (รักไม่ยอมเปลี่ยนแปลง—ติ๊ก ชิโร่) ฮักแต๊ๆ บ่แปรเปลี่ยนผัน กี่คืนกี่วัน มันก่ออย่างอี้ เถิงน้องห่างไกล๋ ไปเมินปูนหนี้ พี่ก่อยังมี ใจ๋ฮัก เกยบอกหัวใจ๋ จะไปกึ้ดนัก จุ่งหักใจ๋ห้าม ลืมลา แต่ใจ๋พี่นั้น มันยังห่วงหา ตลอดเรื่อยมา ถามหาแต่เจ้าๆ 26. (ถนนสายแสงตะวัน—เบิร์ด ธงไชย) หนตางสายนี้ ยังมีความหวัง สาตุ๊จะนัง อย่าฟั่งหม่นเศร้า สู้ไปเต๊อะหนา อย่าท้อใจ๋เจ้า อดใจ๋ทนเอา สักน้อย คนตังหลาย ญิงจายหลายร้อย ลำบากบ่หน้อย กว่าเฮา อดเอาไว้ อย่าได้หมองเหงา หนักจักเป๋นเบา อย่าเศร้าโศกสร้อยๆ 27. (ฉันมีค่าแค่ไหน—peacemaker) อยากฮู้แต๊ๆ หื้อแน่ใจ๋จริ๋ง ว่าในใจ๋ญิง กึ้ดอย่างใดเจ้า หากตั๋วพี่ต๋าย อี่นายน้องเหน้า จะเศร้าใจ๋กา อยากฮู้ เพื่อนข้างยามเหงา ของเจ้ากลิ่นกู๊ กู้กวรก้าอั้น เปียงใด อยากฮู้แต๊ๆ หื้อแน่กับใจ๋ อี่น้องบัวใบ ว่าจะใดเจ้าๆ 27/2/49 28. (กลัวเธอจะมีแฟนแล้ว--ศร) ได้หันหน้าน้อง แม่ปล้องแขนกล๋ม พี่เกือบเป๋นลม เนอจมน้องเหน้า บ่เกยหันไผ ถูกใจ๋อย่างเจ้า พี่หันปอเมา ใจ๋แต๊ เกือบจักห้ามใจ๋ เอาไว้บ่แป๊ แต๊ๆ เน้อเจ้า จั๋นตา แต่กลั๋วแต๊ตั๊ก กลั๋วนักกลั๋วหนา กลั๋วว่าน้องยา จะมีคู่ถ้องๆ 29. (รักง่ายๆ - ปุ้ม+เชษฐ์ Smile Buffalo) ฮักแต๊ๆ แต่เปิ้นบ่สน จ๋ำต้องยอมทน ใจ๋หม่นหมองไหม้ ใคร่ไปแอ่วหา ไปจ๋าใกล้ๆ เปิ้นกลับบอกไป หื้อป๊น จ๊ำอกจ๊ำใจ๋ น้ำในต๋าล้น จ๋นใจ๋แล้วเจ้า นวลนาง ย้อนฮักง่ายล้ำ จ๋ำต้องหมองหมาง จ๋ำต้องแยกตาง หื้อห่างไกล๋เจ้าๆ 30. (กว่าจะรัก--xyz) (จากเพื่อนถึงเพื่อน— ศุ บุญเลี้ยง) กว่าเฮาจะฮัก ฮู้จักใจ๋กั๋น เป๋นเปื้อนผูกพันธ์ ฮักมั่นอย่างอี้ ฮ่วมเจ็บฮ่วมจ๋น ทนมาก่อนกี้ หลายปี๋เมินมา แน่แต๊ เรื่องเก่านั้นหนอ เล่าปอบ่แป๊ เถิงแม้ผ่านได้ เมินมา จักจ๋ำจื่อไว้ ในใจ๋นี้หนา ยังฮักเปื้อนฮา บ่ะหลงลืมได้ สักวันนึ่งหนา บ่ว่าไกล๋ใกล้ ตี้ไหนตังใด โลกนี้ จักปิ๊กมาหา บ่ลาหลีกลี้ ปะกั๋นตี้หนี้ เนอนาย ลาก่อนลาแล้ว เพื่อนแก้วตังหลาย จุ่งสุขสบาย หายตุ๊กข์โศกเศร้าๆ 31. (เริ่มจากร้อย—พิงค์) ฮักเริ่มจากร้อย ลดหน้อยถอยหน ความฮักของคน สับสนแต๊ไบ้ ฮักเริ่มจากศูนย์ เพิ่มพูนไจ้ๆ เมินไปเมินไป เป๋นร้อย ฮักสวนกระแส แต่บ่จื้นจ๊อย ปวดใจ๋บ่หน้อย เนอนาย ฟังเต๊อะพี่น้อง เปื้อนป๊องตังหลาย เป๋นเหมือนนิยาย กำฮักก่ำเศร้าๆ 3/3/49 32. (เมื่อเขามา..ฉันจะไป - -เอนโดฟีน) ถ้าเขามาแล้ว จักแจวจากจ๋ร จักขอลาจร ก่อนเขาหันหน้า บ่กึ้ดอะหยัง นั่งเป็นเปื้อนถ้า ก่อนเขาจะมา เต้านั้น เป็นเปื้อนยามเหงา ยามเศร้าบีบกั๊น แค่เพียงเต้าอั้น บ่ดาย ถ้าเขามาแล้ว จักแจวจางหาย จักขอลานาย หายแส็บเสียจ้อยๆ 33. (อยู่ห่างๆ อย่างห่วงๆ - - Amary) ขออยู่ตั๊ดนี้ ตี้ห่างแสนไกล๋ เป็นห่วงเป็นใย ทำได้เต้าอี้ อยู่เป๋นแฮงใจ๋ ไกล๋ๆ ตี้หนี้ เป๋นห่วงคนดี เต้านั้น ฮู้อยู่แก่ใจ๋ ว่านายพี่จั๊น มีไผอยู่หั้น หลายคน ส่วนตั๋วเฮานี้ ตี้เปิ้นบ่สน จ๋ำใจ๋ยอมทน หมองหม่นใจ๋ไหม้ๆ 34. (ไม่อยากให้เธอไว้ใจ—มาช่า) อย่าละกั๋นไว้ หื้อใจ๋ง่อมเหงา อย่าเจื้อใจ๋เฮา ใจ๋เจ้าแลข้า ยามอยู่ห่างไกล๋ บ่ได้หันหน้า อาจมีไผมา จ๋าจี๊ อนิจจ๋า หลอนข้าม่อนนี้ หลันมีใจ๋หื้อ เขาไป ถ้าเป๋นอย่างนั้น มันผิดตี้ไผ จะโต้ษคนใด จ้วยไขบอกแก้ๆ 6/3/49 35. (ขีดเส้นใต้ – กบ ทรงสิทธิ์) ขีดเส้นเอาไว้ ย้ำใจ๋หื้อจ๋ำ ขีดตั๊ดใต้กำ ตี้ทำหื้อเศร้า ขีดย้ำว่าตั๋ว สายบัวน้องเหน้า เปิ้นบ่ฮักเฮา แน่ไซร้ มันเป๋นความจริ๋ง แน่จริงจ๋ำไว้ ขออย่าได้ ลืมลง จุ่งตัดใจ๋ฮัก จุ่งหักใจ๋หลง แป๋งใจ๋หื้อปลง ปล๋งเต๊อะใจ๋ข้าๆ 36. (หลอกกันเล่นเลย—นูโว) จุกั๋นก้าน้อง แม่ปล้องแขนกล๋ม จุพี่เมาลม คงสมใจ๋เจ้า มาจุหลอกกั๋น หื้อฝันใฝ่เฝ้า จุกั๋นหื้อเมา เต้านั้น ทั้งตี้ในใจ๋ บัวใบน้องจั๊น มีเขาอยู่หั้น ตึงคน ฟังกำฟู่น้อง พี่ต้องสับสน จุก้าหน้ามน พี่หม่นใจ๋ไหม้ๆ 37. (เราคงต้องเป็นแฟนกัน—พั้นช์) คงใจ้แน่แล้ว แฟนแก้วของฉัน ตึงคืนตึงวัน ฝันหันแต่เจ้า บ่ฮู้เหมือนกั๋น ใจ๋มันใฝ่เฝ้า ตึงหลงตึงเมา แต๊นั้น แม่นแล้วดีหลี เหมือนตี้น้องพั้นซ์ เปิ้นฮ้องบอกหั้น เนอนาย ว่าพี่แลน้อง คงต้องหมั้นหมาย เป็นแฟนของจาย ดีหลายเน้อเจ้าๆ 38. (ถูกอยู่แล้ว – มอส ปฏิภาน) มันถูกอยู่แล้ว แม่แก้วแก่นต๋า ตี้มาบอกลา ว่าบ่ฮักอ้าย มันแล้วแต่ใจ๋ แม่ใยดอกฝ้าย แล้วแต่อี่นาย เลือกไว้ จีวิตของตั๋ว บัวคำน้องไท้ ตัดสินใจ๋ได้ เนอนาง บ่ผิดหรอกน้อง บ่ต้องหมองหมาง เจิญน้องเลือกตาง อย่างปอใจ๋เจ้าๆ 39. (ปากไม่ตรงกับใจ – Ray) ปากของน้อง บ่ต้องกับใจ๋ ปากน้องว่าไป ใจ๋บ่ว่าอั้น กำฟู่จ๋า จั๋นตาน้องหั้น จุกั๋นบ่ดาย เต้านั้น อย่าฝืนใจ๋ เลยนายน้องจั้น กึ้ดอย่างใดหั้น บอกมา อย่าจุล่ายลี้ หื้อมีปั๋ญหา บ่ฮักก่อลา อย่าจุหลอกอ้ายๆ 7/3/49 40. อ่อนแอ—monkey ขอร้องเต๊อะน้อง บ่ต้องปั๋นใจ จุ่งหันหน้าไป อย่าได้ห่วงข้า บ่อยากหื้อสาว นงเยาว์น้องหล้า หันน้ำต๋าจาย ไหลย้อย โจ้คดีเต๊อะหนา จั๋นตาสาวน้อย ขอจ๋าสั่งถ้อย อำลา บ่อยากหื้อน้อง ต้องหันน้ำต๋า ขอน้องจั๋นตา อย่าหันมาหนี้ๆ 41. (ช่างไม่รู้เลย – peachmaker) บ่ฮู้กำแล้ว กาแก้วแก่นต๋า บ่ฮู้เลยกา เพื่อนยาของเจ้า คนกุ๊นเกยกั๋น แอบฝันใฝ่เฝ้า แอบหลงลักเมา อยู่นั้น เขาลักมีใจ๋ หื้อนายน้องจั๊น ลักเมาอยู่หั้น แลนา บ่ฮู้กำแล้ว กาแก้วแก่นต๋า บ่ฮู้เลยกา จั๋นตาน้องเหน้าๆ 13/3/49 42. (มือซ้ายที่ว่างเปล่า-- Bogie Dodge) มือซ้ายข้างนี้ อยากมีมือขวา ยื่นหยื้อมา ปาไปแอ่วเหล้น จูงมือกั๋น ม่วนงันตื่นเต้น เป๋นเปื้อนเวลา ง่อมล้ำ ยามบ่มีไผ ใจ๋มันชอกช้ำ มันย้ำใจ๋หื้อ เดียวดาย มือขวาของน้อง แม่ทองเฉิดฉาย ยื่นมาเต๊อะนาย มือซ้ายอยู่หนี้ๆ 15/3/49 43. รักแท้ดูแลไม่ได้--potato มีความฮักแต๊ แต่บ่ฮักษา ก่อเลยต้องมา น้ำต๋าหล่อเบ้า ย้อนว่าบ่หัน ความสำคัญเจ้า ไปหลงมัวเมา ม่วนล้ำ จึ่งต้องโศก๋า มานั่งปวดจ๊ำ ตอกย้ำใจ๋หนี้ เนอนาย ขาดน้องไปแล้ว พี่แก้วใจ๋หาย เสียด๊ายเสียดาย สายไปแล้วเจ้าๆ 44. Play Boy กลับใจ—Nicky หันใจ๋สักน้อย เพลย์บอยกลับใจ๋ จักบ่ปิ๊กไป ฮ้ายเหมือนเก่ากี้ จะขอฮักสาว งามเลาคนหนี้ จะเป๋นคนดี แน่แล้ว ตั้งแต่นี้หนา บ่กาก้าดแก๊ว จะฮักน้องแก้ว คนเดียว สาวใหญ่สาวน้อย บ่กอยบ่เหลียว บ่ก๋ายบ่เตียว บ่เกี่ยวบ่ข้องๆ 45. BIG APPLE - - ฉันไม่ได้เอาอะไรมาเลย พี่มาวันนี้ บ่มีอะหยัง มาฝากน้องนาง อย่างคนอื่นผู้ มีเพียงหัวใจ๋ ตี้ไหลหลิ่งหลู้ มาหาพธู น้องไท้ บ่มีบุปผา มาลาดอกไม้ ขอน้องอย่าได้ ดูแควน หัวใจ๋ดวงนี้ พี่ฮักหวงแหน ขอมอบหื้อแตน เป๋นของขวัญเจ้าๆ 46. บอกได้ไหม –ไอซ์ จ้วยจ๋าจี๊ บอกพี่สักหน พี่จักยอมทน จ๋นจับใจ๋เจ้า พี่จักแก้ไข หื้อนายน้องเหน้า บ่จ๋างจืดเบา ใจ๋นี้ ขอแค่ขวั๋ญต๋า บ่ลาหลีกลี้ หัวอกพี่หนี้ ยอมทน บอกมาเต๊อะน้อง ขอร้องสักหน ยอมแล้วหน้ามน จ๋นใจ๋แล้วเจ้าๆ 47. Nursery Sound-อากาศดีๆ With วันวิสา จีนแข อากาศวันนี้ จื้นดีสดใส เหลียวผ่อตังใด จื้นใจ๋แต๊เจ้า อยากจวนขวัญต๋า มานั่งอยู่เฝ้า ฟังกล๋อนกำเมา ค่าวจ๊อย ก้อยฟังเต๊อะหนา อาวอาใหญ่น้อย มาฟังค่าวสร้อย ฮำเพลง รายก๋ารเฮานี้ มีค่าวเจ๋งๆ ม่อนจักบรรเลง มนต์เพลงค่าวสร้อยๆ 20/3/49 48. Punch พั้นช์ – ยิ่งกว่าเสียใจ ย้อนว่าฮักล้ำ จึ่งจ๊ำกว่าไผ ฮักนักล้ำไป หัวใจ๋เกือบบ้า ฮักล้ำฮักเหลือ บ่เผื่อใจ๋ข้า ทุ่มเทแต๊นา ใจ๋นี้ มาเจ็บปวดใจ๋ เขาไปหลีกลี้ บ่ฮักเฮาหนี้ เหมือนเกย ตุ๊กข์ใจ๋แต๊ๆ แม่ดาวดอกเหมย ฟังเต๊อะสาวเฮย จักเผยบอกหื้อๆ 49. Mos มอส-เธอคือส่วนที่ขาด เกิ่งจีวิตนี้ สิ่งตี้ขาดหาย ก่อคืออี่นาย หน้าใสผี้หลี้ ได้มาปะกั๋น ได้หันตี้หนี้ สุดแสนยินดี เจ้นล้ำ ดีอกดีใจ๋ หายเจ็บปวดจ๊ำ ขอย้ำบอกเจ้า คนดี ได้มาหันน้อง แม่ทองใสศรี ก่อฮู้ทันที คนนี้แน่เจ้าๆ 50. ครึ่งหนึ่งของชีวิต - สีห์ ธาราใส เกิ่งจีวิตนี้ ตี้ยังหายใจ๋ จุ่งสู้ต่อไป อย่าไหวหวั่นเศร้า บ่ฮู้บ่หัน บ่ฝันว่าเจ้า จะจ๋รจากเฮา ง่ายล้ำ ช่างมันเต๊อะหนา อย่าหมองหม่นจ้ำ จุ่งจ๋ำกำหนี้ เนอนาย เกิ่งจีวิตนี้ ตี้บ่ขาดหาย จุ่งสุขสบาย เริ่มใหม่เต๊อะเจ้าๆ 51. Calories-คนที่ไม่เข้าตา คนๆ นี้ ตี้บ่เข้าต๋า ไผไหนจะมา เมตต๋าสักหน้อย ยามง่อมใจ๋ บ่ใสเป่งป้อย ไผจักผ่อกอย ม่อนนี้ บ่หล่อบ่เหลา เขาปากั๋นยี้ หน้าต๋าอย่างอี้ เนอนาย มันง่อมใจ๋แต๊ แม่แก้วคิงผาย หันใจ๋พี่จาย เต๊อะนายน้องเหน้าๆ 21/3/49 52. More Than Words-กัปตัน grammy, Extreme แค่กำว่าฮัก จากปากกำจ๋า บ่ปอแต๊นา บ่ไจ้ว่าเล่น อาจปาหื้อใจ๋ ของนายตื่นเต้น ย้อนเป๋นกำดี แต๊ตั๊ก แต่เรื่องภาษา กำว่าความฮัก พี่จักบอกเจ้า เนอนาย เรื่องกำฮักนี้ จักมีความหมาย ไจ้เพียงบรรยาย แค่กำฟู่อู้ๆ 53. When you say nothing at all - Ronan Keating เถิงแม้น้องฮัก บ่ตั๊กบ่จ๋า จะไปจะมา บ่จ๋าบ่อู้ พี่ก่อเข้าใจ๋ ว่านายนาฏผู้ ยังอยู่ฮ่วมเคียง พี่นี้ ย้อนว่าสายต๋า มันจ๋าบอกจี๊ ว่าฮักเฮาหนี้ ดีนา เพราะใจ๋เฮานี้ มันมีภาษา สื่อสารไปมา อู้จ๋ากั๋นได้ๆ 54. Kelly Chen-A Lover's Concerto, ฮักเธอ – ปฏิญญา ตั้งตระกูล ฮักแล้วๆ บ่แจวจากจ๋ร จะกอดน้องนอน หนุนหมอนเติกแก้ม จักเอาปากก๋า มาเขียนขีดแต้ม แต่งเป๋นซอเพลง ม่วนนัก ฮ้องเป๋นเพลงหวาน ต่ำนานเพลงฮัก ฝากไว้กับเจ้า คนงาม จะฮักน้องนี้ แม่บัวจี๋หลาม จุ๊เมื่อวันยาม บ่จ๋างจากเจ้าๆ 55. Eagles - Hell freezes over - Love will keep us alive ความฮักนี้ มีในโลก๋า เมินนานแล้วนา ขวัญต๋าน้องเหน้า จ้วยหื้อโลกหมุน จุ้นๆ เลยเจ้า แลจ้วยหื้อเฮา อิ่มต๊อง อิ่มอกอิ่มใจ๋ ตั้วไปแลน้อง สายทองอย่าได้ กั๋งวล อดอยากยากไร้ ยามใดขัดสน ความฮักของคน จ้วยได้เน้อเจ้าๆ 56. Full House - I Think I - Byul พี่กึ้ดใจ๋แต๊ แน่ในใจ๋จริ๋ง ว่าพี่ฮักญิง สัตย์จริ๋งแต๊เจ้า ฮักน้องกว่าไผ เนอนายน้องเหน้า บ่จ๋างจืดเบา จากฮัก ฮักหนักฮักหนา แต๊นาแต๊นัก จึ่งตั๊กบอกเจ้า คนดี ฮักพี่สักน้อย แม่พลอยแสงสี ฮักพี่สักที เน้อจี๋ดอกเอื้องๆ 24/3/49 57. XYZ – สบายดีหรือเปล่า สบายดีก่อหา จากลากั๋นแล้ว บ่หันเพื่อนแก้ว เหมือนเกย ง่อมหาวันนี้ บ่มีเปิดเผย หายแส็บไปเลย เปื้อนเอยเปื้อนข้า ไปอยู่ตี้ไหน บ่ได้หันหน้า บ่หันโทรมา สักน้อย คงมีเปื้อนใจ๋ คนใหม่เรียบร้อย ลืมเฮาเสียจ้อย เนอนาย จากกั๋นไปแล้ว เปื้อนแก้วสหาย จุ่งสุขสบาย เนอนายเปื้อนข้าๆ 58. ไม่ไว้วางใจ – เท่ห์ ในใจ๋น้องนั้น มันมีไผๆ บ่ฮู้เต้าใด อยู่ตังในหั้น พี่กึ้ดไปไกล๋ บ่ไจ้กึ๊ดสั้น เรื่องความสัมพันธ์ เฮานี้ มันบ่สร้างสรรค์ จึ่งผันหลีกลี้ ถอนตั๋วเต้าอี้ เนอนาย จบกั๋นแค่นี้ คนมีใจ๋หลาย ตัดสินใจ๋จาย บ่ไว้ใจ๋เจ้าๆ 59. กบ ทรงสิทธิ์ – ปาฏิหาริย์ อยากหื้อโลกนี้ มีปาฏิหาริย์ อยากหื้อวันวาน ย้อนปิ๊กคืนได้ อยากหื้อเฮาสอง มาครองชิดใกล้ ก่อนไผคนใด แทรกซ้อน วันนี้ตุ๊กข์ใจ๋ ทรวงในสะต๊อน ย้อนมีเขาหั้น แหมคน บ่อยากแย่งยื้อ หื้อมันสับสน จ๋ำใจ๋ยอมทน หมองหม่นใจ๋ไหม้ๆ 60. ไม่อยากให้เธอรู้-ใหม่-ไม้ม้วน.mp3 ในใจ๋ฮักแต๊ แต่บ่กล้าเผย บ่กึ๊ดบ่เกย จะเอ่ยกำอู้ เก็บไว้ในใจ๋ บ่ใสจื้นสู้ บ่เผยหื้อดู สักน้อย ปะกั๋นประจ๋ำ ทำเป๋นจื้นจ๊อย บ่จ๋าฝากถ้อย กำใด ปิ๊กมาต้าวล้ม ก้มหน้าเสียใจ อยากจู๋งมือไป เหมือนไผคนหนั้นๆ 61. ใช่เลย - ไท ธนาวุฒิ, เธอสวย - จั๊ก กะ หญิง งามแต๊งามตั๊ก งามนักงามหนา เหมือนเทพธิดา ลงมาจากห้อง เป๋นบุญแก่ต๋า ตี้ได้มาจ้อง มาผ่อมามอง น้องนี้ บ่กึ้ดบ่ฝัน สวรรค์จ้วยจี๊ หื้อเป๋นอย่างอี้ เนอนาย แม่นแล้วคนนี้ ตี้กึ๊ดใจ๋หมาย อู้อย่างบ่อาย ใจ้เลยคนหนี้ๆ 62. ใจจำยอม- ต้อม เรนโบว์ ยอมแล้วยอมแล้ว แม่แก้วต๋าใส พี่ยอมจากไป อย่างใจ๋หม่นเศร้า ยอมไปไกล๋ต๋า จั๋นตาน้องเจ้า กับเขาคนดี ของน้อง ลาก่อนแล้วหนอ บ่ขอเรียกร้อง เถิงแม้จะต้อง หมองดาย ฮักของพี่นี้ บ่มีความหมาย ขอฮักอี่นาย ฝ่ายเดียวเดี่ยวดั้นๆ 28/3/49 63. กะลา-ขอเป็นตัวเลือก อย่าฟั่งใจ๋ฮ้อน จ๊าก่อนขวั๋ญใจ๋ ก้อยคบกั๋นไป บ่ไจ้เรื่องเล่น ก้อยอู้ก้อยจ๋า อย่าฟั่งตื่นเต้น จุ่งใจ๋เย็นๆ ก่อนน้อง ก่อนจักเสียใจ๋ มาไห้ฮ่ำฮ้อง ก่อนฮักจ๋ำต้อง หมองดาย เผื่อใจ๋เอาไว้ บ่ไจ้เสียหลาย ใจ๋เย็นก่อนนาย เผื่อใจ๋พ่องเจ้าๆ 64. Inca อินคา Grammy-รักแท้มีแค่ครั้งเดียว ฮักแต๊ฮักแต๊ มีแค่นึ่งหน มอบหื้อหน้ามน คนเดียวเต้าอั้น ถึงแม้ว่าเขา จะเข้ามากั้น ขวางความสัมพันธ์ เฮาไว้ ยังคงฮักตั๋ว บัวคำน้องไท้ บ่มีหว่างได้ ลืมลง บ่ฮักไผแล้ว แม่แก้วก๋าหลง จะฮักหน้ามน คนเดียวเต้าอั้นๆ 65. Amary แอมมารี่-สุญญากาศ หัวใจ๋มันแฮ้งค์ หมดแฮงหายใจ๋ เหมือนว่าอยู่ใน สูญญากาศกว้าง กึ้ดจะหายใจ๋ บ่ได้สักข้าง เหมือนหมดหนตาง รอดป๊น เขาหลบหลีกไกล๋ เสียใจ๋ล้ำล้น หัวหมุนจ้นๆ คนเดียว หมดแฮงอ่อนล้า เขาลาบ่เหลียว หมดแฮงไต่เตียว โดดเดี่ยวใจ๋เศร้าๆ 66. เจมส์ - เรื่องธรรมดา ตื่นมาต๋อนเจ๊า ก่อเฝ้ากองหา ยามขวายบ่ายมา อยากหันหน้าเจ้า ห่างกั๋นไปไกล๋ หัวใจ๋ใฝ่เฝ้า ง่อมหานงเลา สาวน้อย ไปแอ่วตี้ไหน ใจ๋บ่จื้นจ๊อย ง่อมหาสาวหน้อย ตึงวัน บ่ฮู้วันนี้ แม่จี๋บัวผัน จะง่อมจะงัน เหมือนกั๋นก่อเจ้าๆ 67. Taxi-คิดถึงฉันไหมเวลาที่เธอ… อยากฮู้แต๊ๆ แม่แก้มขาวใส จะกึ๊ดอย่างใด ยามไกล๋จากข้า กึ้ดเติงหากั๋น ยามบ่หันหน้า รือสันใดจา อยากฮู้ ยามง่อมยามเหงา ใจ๋เจ้ากลิ่นกู๊ กึ้ดเติงหาผู้ ใดจา พี่อยู่ตังนี้ พี่กึ๊ดเติงหา ตลอดเวลา อยากหันหน้าเจ้าๆ 29/3/49 24.00 น. 68. เรนโบว์ – ให้ ซ่อนฮักเอาไว้ บ่ได้บอกสาว กลั๋วหมองซึมเซา กลั๋วเขาหน่ายหน้า สุดเสี้ยงหัวใจ๋ ทรวงในของข้า ปั๋นหื้อจั๋นตา หมดลึ้ง บ่กล้าบอกไผ ว่าใจ๋แอบซึ้ง ตึงหมดตึงเสี้ยง ใจ๋ใน บ่กล้าบอกน้อง กลั๋วต้องหมองใจ๋ บ่กล้าบอกไป กลั๋วใจ๋หม่นเศร้าๆ (กลั๋วว่าบอกแล้ว แม่แก้วต๋าใส จะจ๋างจากไป หื้อใจ๋หม่นเศร้าๆ) 4/4/49 69. กบ ไกรภพ-รักข้างเดียว (ช้ำอยู่แล้ว) จั้งมันเต๊อะน้อง บ่ต้องเกร๋งใจ น้องจะจากไป ก่อต๋ามใจ๋เจ้า ปล่อยพี่นี้หนา น้ำต๋าหล่อเบ้า ต๋ายเพราะซึมเซา โศกฮ้อน บ่เกี่ยวกับตั๋ว แม่บัวยอดม้อน อย่าตุ๊กข์โศกข้อน ใจ๋เลย ใจ๋พี่ฮักแต๊ แม่ดวงดอกเหมย แต่น้องบ่เกย เผยใจ๋หื้อข้า จึ่งต้องขื่นขม ก่อสมน้ำหน้า จั้งมันเต๊อะนา นาฏน้อง เถิงพี่จะต๋าย นอนไห้ฮ่ำฮ้อง อี่นายบ่ต้อง กั๋งวล ฮักข้างเดียวแล้ว พี่แก้วสับสน จึ่งต้องยอมทน หมองหม่นใจ๋ไหม้ๆ 70. นายสะอาด – เจ้าชายรองเท้าแตะ บ่รวยล้นฟ้า โลกหล้าสาก๋ล เป๋นเพียงแค่คน เตียวดินต่ำต้อย น้องเป๋นบุปผา มาลาดอกหน้อย เจ้าหญิงกล๋างดอย ป่าไม้ พี่ก่อตุ๊กข์จ๋น เป๋นคนยากไร้ ใส่เกือบแตะได้ เตียวมา เป๋นเจ้าจายน้อย บนดอยภูผา ฮักกั๋นแต๊นา ตังข้าแลเจ้า จะขอฮักกั๋น จนวันแก่เฒ่า บ่จ๋างจืดเบา จากน้อง ปออกปอใจ๋ บ่ได้เรียกร้อง ว่าเฮาจ๋ำต้อง มั่งมี ขอมีแค่น้อง แม่ทองใสศรี พี่ก่อยินดี สุขีแล้วเจ้าๆ 71. Labanoon-คนดีที่ฉันรัก ขอเพียงแค่น้อง แม่ทองใสศรี น้องเป๋นคนดี พี่ก่อฮักเจ้า บ่ขอฮักไผ หื้อใจ๋หม่นเศร้า ฮักแต่นงเลา เต้านั้น จะขอฮักตั๋ว บัวคำน้องจั้น แค่เพียงเต้าอั้น เนอนาย แค่เพียงเต้านี้ ก่อดีเหลือหลาย เต้าอี้บ่ดาย ปอใจ๋แล้วเจ้าๆ 72. หลบไปพัก – สราวุฒิ พุ่มทอง+ คิมหันต์ ขออยู่ตรงนี้ ตี้บ่มีไผ บ่อยากออกไป หื้อไกลจากหนี้ บ่อยากเจอไผ หื้อใจ๋ป่นปี้ กลั๋วเจอคนดี น้องนั้น ขอพักหัวใจ๋ ทรวงในพี่จั๊น หื้อหายอัดอั้น ดวงทัย อยากลืมหน้าน้อง พี่ต้องแข็งใจ๋ ขอลาหลบไป หื้อไกล๋จากเจ้าๆ 73. เด็กบ้านนอก –ฟลุ๊ค ไอน้ำ จากบ้านหลังน้อย กล๋างดอยป่าเขา จากบ้านนาเฮา เข้าเมืองใหญ่กว้าง มาตวยหาฝัน ยะก๋ารฮับจ้าง ต๋ามวิถีตาง ลูกนี้ กึ๊ดเติงหา บ่ลาหลีกลี้ ง่อมหาแม่หนี้ ตึงวัน ลูกอดใจ๋ไว้ เตียวไต่ตวยฝัน ยามง่อมยามงัน อยากหันแม่เจ้า ลางเตื้อนั้นหนา น้ำต๋าหล่อเบ้า ก่ออดใจ๋เอา ข่มไว้ ซะตังค์นั้นหนา ส่งมาหื้อใจ๊ หื้อแม่อยู่ได้ กิ๋นดี ถ้าบ่ปอใจ๊ อย่าได้หมองศรี บอกลูกสักที ลูกมีส่งหื้อ แม่อย่าเกร๋งใจ๋ ดักไปจื้อกื้อ บ่หือบ่อือ เน้อไท้ ถ้าลูกเถิงฝัน ในวันนึ่งไซร้ คงปิ๊กป๊อกได้ คืนมา ขอหื้อแม่ไท้ อย่าได้โสก๋า ฝากเพลงนี้นา ไขจ๋าบอกเจ้าๆ 29/07/2550 74. Love Scene - บอกรักกับดาว ฝากฮักพี่ไว้ จะได้ก่อหา ฝากดวงดารา บนฟ้าใหญ่กว้าง ฮักแต๊ๆ หนา ใจ้มาเอ่ยอ้าง ฟู่ไปพลางๆ เต้านั้น ฮักเต๋มหัวใจ๋ ทรวงในพี่จั๊น เกิ๋นอดใจ๋กลั้น เนอนาย ฮับฮักพี่นี้ เนอจี๋บัวผาย ฮับฮักของจาย เอาไว้สักหน้อยๆ 31-07-2550 75. คนไม่มีสิทธิ --- ฮิวโก้ --ลูกผู้ชายหัวใจเพชร อยากฮู้ใจ๋น้อง แม่ปล้องแขนขาว แม่จี๋นงเลา สาวงามอ้อยหล้อย มีพี่คนจ๋น สักคนสักหน้อย ก่อจี๋บัวลอย น้องจั๊น อยากฮู้ว่าสาว นงเยาว์น้องนั้น ได้ยินสียงหั้น ก่อนา เสียงใจ๋พี่น้อย ตี้คอยฟู่จ๋า บอกฮักน้องยา เรื่อยมาไจ้ๆ ก่อฮู้อยู่หนา ว่าเฮาต่ำใต้ บ่สมกวรไป ฮ่วมซ้อน บ่มีสิทธิฝัน หื้อมันโศกฮ้อน หวังเป๋นกู้อ้อน นอนอิง ฝากเพลงนี้ไว้ แตนใจ๋สัจจิ๋ง ขอน้องคำญิง จิ่งฟังสักหน้อย 76. เพื่อเธอตลอดไป – ศักดา พัทธสีมา อาจยังบ่ฮู้ ยังดูบ่หัน คงมีสักวัน จักหันถี่แจ้ง ว่าฮักนี้หนา ไจ้มาเสแสร้ง ขี้แต่งบ่ดาย เต้านั้น คงแน่แก่ใจ๋ ดวงทัยน้องจั๊น สักวันนึ่งหั้น นอนาย ว่าฮักพี่นี้ ยังมีความหมาย ใจ้ฟู่บ่ดาย หื้อใจ๋ตื่นเต้นๆ 8-8-2550 24.00 น. 77. A Cappella 7-- ตุ่ม_128 กิ๋นเต๊อะเน้อน้อง บ่ต้องเกร๋งใจ๋ กิ๋นเต๊อะกิ๋นไป กิ๋นได้บ่ห้าม แค่กลั๋วว่าสาว น้องเจ้าจะส้าม กิ๋นจุ๊เมื่อยาม ค่ำเจ๊า แล้ววันนึ่งหนา โนจานั้นเล๊า จักเหมือนตุ่มเข้า ตึงวัน ย้อนว่าฮักน้อง จึ่งขอร้องกั๋น อย่าหื้อไขมัน เต๋มตั๋นตั๋วเจ้าๆ 78. Four - Mod – ไม่เจ็บไม่ถาม กันว่าบ่เจ็บ บ่เก็บมาถาม น้องสาวคนงาม ปวดจ๊ำใจ๋เจ้า บ่หื้อปวดใจ๋ แล้วไผจะเศร้า นอกจากตั๋วเฮา เต้านั้น หื้อเก็บน้ำต๋า โนจาน้องจั๊น ไว้ตี้ไหนหั้น นอนาย บ่อยากหื้อจ๊ำ น้ำต๋าเป๋นสาย แล้วสันไดจาย ทำร้ายใจ๋เจ้าๆ 79. ปราโมทย์ วิเลปะนะ - แค่คนอีกคน -- อภิมหึมามหาเศษฐี แค่คนคนนี้ ตี้ฮักไกล๋ๆ บ่กึ๊ดหวังไป อยู่ในใจ๋เจ้า ย้อนว่าบุปผา โนจาน้องเหน้า บ่ใจ้กู้เฮา แน่ล้ำ บ่อยากขัดขืน มาฝืนใจ๋จ๊ำ ตอกย้ำใจ๋หื้อ ซมซาน บอกใจ๋เฮาไว้ อย่าได้อาจหาญ ฮักปอประมาณ ผะม๋าณใจ๋เจ้า คนไร้ตั๋วต๋น ต้องทนหม่นเศร้า เปิ้นบ่สนเฮา สักน้อย แอบฮักแอบหลง คงบ่จื้นจ๊อย เป๋นคนต่ำต้อย เตียวดิน เป็นคนยากไร้ ใจ้รวยทรัพย์สิน บ่ใจ้พรหมอินทร์ บนถิ่นฟ้ากว้างๆ 3/12/2550 80. Little Bird-ลืมตัว พี่ลืมไปแต๊ แม่แก้วต๋าใส พี่ลืมตั๋วไป บ่ใช่คู่เจ้า ลักเมาตั๋ว บัวคำน้องเหน้า สรี๋นงเลา นาฏน้อง เพราะว่าหัวใจ๋ ตังในฮ่ำฮ้อง แม้ฮู้ว่าต้อง หมองดาย ฮักน้องแล้ว แม่แก้วคิงผาย แต่ว่าอี่นาย บ่หมายใฝ่เฝ้า ย้อนว่าตั๋ว บัวคำน้องเหน้า บ่กึ๊ดกับเฮา อย่างนั้น หัวอกหัวใจ๋ ทรวงในพี่จั๊น ต้องอดใจ๋กลั้น ดวงทัย บ่อยากหื้อน้อง ต้องลำบากใจ๋ ต่อแต่นี้ไป จักไกล๋ห่างเจ้าๆ 81. มีแฟนแล้ว – สเตอ 26/7/2550 น้องมีแฟนแล้ว แม่แก้วแก่นต๋า สังบ่บอกมา ว่ามีแล้วเจ้า จุหื้อพี่หลง อนงค์น้องเหน้า จุหื้อพี่เมา แน่ล้ำ จึ่งจ้องตุ๊กข์ใจ๋ ดวงทัยโศกจ๊ำ ต้องอดกลื๋นกล้ำ ทนไป ย้อนฮักน้องแล้ว แม่แก้วต๋าใส จะยะจะใด หื้อใจ๋บ่เศร้าๆ 82. ยิ้มเข้าไว้ -- แคลช ยิ้มเข้าไว้ ม่วนใจ๋เต๊อะหนา ยิ้มไว้เต๊อะนา โนจาน้องเจ้า อย่ามัวโศก๋า แป๋งหน้าหม่นเศร้า บ่งามบ่เลา เน่อน้อง บ่ว่าอยู่ไหน แดนใดเต้สต๊อง หมู่เฮาบ่ต้อง กั๋งวล ยิ้มเต๊อะยิ้มไว้ อย่าได้สับสน ยามใดหมองมน อดทนยิ้มสู้ๆ 83. แทนใจ --- ศิรศักดิ์ อิทธิพลพานิชย์ เก็บดาวบนฟ้า ดาราดวงใส ฮ้อยต่อเรียงไป แตนใจ๋แห่งข้า เรียงเป๋นกำหวาน สานกำเอ่ยอ้า แต่งเป๋นเพลงมา หื้อน้อง กลั่นมาจากใจ๋ ทรวงในเรียกร้อง หื้อน้องเต้าอั้น คนดี บอกฮักกับน้อง แม่ทองใสศรี ฮักพี่บ่มี หลีกลี้หนีหน้าๆ 11/2/2551 84. 14 อีกครั้ง – โลโซ เหมือนกับพี่นี้ สิบสี่แถมหน ต๋อนปะหน้ามน คนงามตี้หนี้ งามแต๊ๆ หนา หน้าต๋าผี้หลี้ ผิวพรรณก่อดี แต๊ตั๊ก ยามพี่ได้หัน ใจ๋มันก่อฮัก อยากจักบอกเจ้า คนงาม เหมือนกับพี่นี้ สิบสี่สิบสาม สมัยเมื่อยาม ยังเป๋นบ่าวหน้อยๆ (อิอิ) 85. คนอกหัก – ไอน้ำ, อกหัก bodyslam ฮักแต๊ๆ แต่เปิ้นบ่สน จ๋ำต้องยอมทน ใจ๋หม่นหมองไหม้ ใคร่ไปแอ่วหา ไปจ๋าใกล้ๆ เปิ้นกลับบอกไป หื้อป๊น จ๊ำอกจ๊ำใจ๋ น้ำในต๋าล้น จ๋นใจ๋แล้วเจ้า นวลนาง อกหักแน่ล้ำ จ๋ำต้องหมองหมาง จ๋ำต้องแยกตาง หื้อห่างไกล๋เจ้าๆ 86. อ๊อฟ ปองศักดิ์ - จุดอ่อนของฉันอยู่ที่หัวใจ จุดอ่อนพี่นี้ อยู่ตี้หัวใจ๋ มันอยู่ตางใน ดวงทัยพี่หนี้ 13/5/2551 แกล้งทำบ่สน ยอมทนอย่างอี้ แกล้งแป๋งใจ๋ดี เต้านั้น ลักแต๊แล้วหนา โนจาน้องจั๊น พี่ตุ๊กข์ใจ๋กลั้น แลนา พี่ฮักน้องแล้ว แม่แก้วแก่นต๋า แต่น้องจั๋นตา บ่สนใจ๋อ้าย 21/5/2551 87. คงเดิม— เอิน จิตภัทร ฮักแต๊ๆ บ่แปรเปลี่ยนผัน ผ่านไปกี่วัน มันก่ออย่างอี้ เถิงต้องห่างไกล๋ ไปเมินจากหนี้ พี่ก่อยังมี ใจ๋ฮัก กึ๊ดเติงหา แต๊นาแต๊นัก เกิ๋นหักใจ๋ห้าม ลืมลา ของเก่าน้องนั้น มันยังอยู่หนา ยังเก็บไว้นา จั๋นตาน้องเจ้า 21/5/2551 88. นอกสายตา – แคทลียา อิงลิช ฮักแต๊ๆ แต่เปิ้นบ่สน จ๋ำต้องยอมทน ใจ๋หม่นหมองไหม้ คนนอกสายต๋า ต้องมานั่งไห้ เจ็บปวดดวงทัย เจ้นล้ำ ตุ๊กข์อกตุ๊กข์ใจ๋ ทรวงในหม่นจ๊ำ อดฝืนกลืนกล้ำ นอนาย ฮักของเฮานี้ บ่มีความหมาย แค่ฮักบ่ดาย เหมือนสายน้ำแห้ง 6/6/2551 89. มีค่าเวลาเหงา - ปนัดดา เรืองวุฒิ มีค่าแต๊ แค่เวลาเหงา เป๋นคนบ่เลา สู้เขาบ่ได้ พี่มาแอ่วหา ฟู่จ๋าใกล้ๆ ยามง่อมดวงทัย เต้านั้น หายง่อมแล้วหนา แล้วนาพี่จั๊น ก่อหายแส็บหั้น นอนาย หายง่อมแล้ว ก่อแจวจ๋างหาย ปล่อยละอี่นาย เดียวดายหม่นเศร้า 6/6/2551 90. 2-1=0 พีค สองลบหนึ่งนั้น มันกล๋ายเป๋นศูนย์ บ่มีสูตรคูณ ตี้ไหนจักอ้าง ยามเมื่อน้องสาว เจ้าบ่เคียงข้าง มาขอแยกตาง พี่นี้ น้องมาจากไกล๋ ลาไปหลีกลี้ จึ่งเป๋นจะอี้ แลนา ตุ๊กใจ๋เจ้นล้ำ จ๊ำใจ๋แต๊หนา ยามเมื่อน้องลา บ่มาเกี่ยวข้อง 16/7/2551 91. รับได้ไหม--แมว จีระศักดิ์ ฮับได้ก่อน้อง สายทองขวัญต๋า ฮับได้ก่อนา จั๋นตาน้องเหน้า ถ้าพี่นี้หนา ตี้มาอยู่เฝ้า สรี๋นงเลา น้องจั๊น บ่เป๋นดั่งตั๋ว บัวคำน้องนั้น กึ๊ดฝันอยู่หั้น แลนา บ่ไจ้เลิศล้ำ เหมือนกำฟู่จ๋า คนธรรมดา ใช่ฟ้าแต่งสร้างๆ 1. คิดถึงเธอ กึ๊ดเติงหาแต๊ แต่บ่ได้หัน ง่อมหากุวัน ฝันหันแต่เจ้า อยากจะมาหา โนจาน้องเหน้า ได้ก้ากึ๊ดเอา อย่างนี้ ห่างกั๋นไกล๋ หลายพันหมื่นลี้ ง่อมใจ๋อย่างอี้ ตึงวัน อยากหันหน้าน้อง สายทองบัวผัน มันง่อมมันงัน ฝันหันแต่เจ้า 2. พรหมลิขิต เป๋นลิขิตฟ้า มาจากสวรรค์ กาว่าผูกพัน กั๋นมาก่อนหนี้ จึ่งได้ฮักกั๋น สัมพันธ์อย่างอี้ ฮักแต่คนดี นาฏน้อง (26/8/2551 ฮักเต๋มหัวใจ ทรวงในฮ่ำฮ้อง เสียงสนั่นก้อง ดวงทัย จะฮักแต่น้อง สายทองขวัญใจ๋ บ่ฮักสาวใด คนไหนอื่นผู้ๆ) 18/8/2551 3. คาใจ เจ เจตริน พี่มาวันนี้ มีเรื่องคาใจ๋ บ่ว่าจะได แค่ไคร่หันหน้า มาขอลาตั๋ว บัวคำน้องหล้า ในวันวิวาห์ ของน้อง บ่มีอะหยัง บ่หวังเรียกร้อง บอกเขาบ่ต้อง กั๋งวล จะขอลาน้อง สายทองสักหน ขอลาหน้ามน สู่หนตางเศร้า 4. อยู่นานๆ ได้ไหม ศรัญย่า ส่งเสริมสวัสดิ์ อยู่เมินแถมน้อย แถมหน้อยเต๊อะหนา ฟั่งไปไหนจา จั๋นตาน้องเหน้า เมินๆ ปะกั๋น บ่หันหน้าเจ้า นอจี๋นงเลา นาฏน้อง หัวอกหัวใจ ตางในฮ่ำฮ้อง ขอน้องอยู่หนี้ เมินๆ ฟู่กั๋นตรงนี้ คนดีอย่าเขิน บ่ปะกั๋นเมิน ฟั่งเดินหนีหน้า 20/8/2551 5. คนหลายใจ อัสนี วสันต์ อยากไปหื้อป๊น จากคนหลายใจ๋ จากจี๋บัวใบ หน้าใสอย่างเจ้า หลายใจ๋แต๊หนอ นอนายน้องเหน้า จุไผหื้อเมา หลงฮัก หลายใจ๋แต๊หนา แต๊นาแต๊นัก หลายใจ๋แต๊ตั๊ก นอนาย ห้องใจ๋น้องนี้ มีคนจ้าดหลาย มีแต่ป้อจาย มากมายหลายหน้า 22/8/2551 6. hi5 โก๋วิด พี่ความฮู้น้อย ด้อยก๋ารเศิกษา บ่มีวิชา เฮียนมาก่อหน้อย บ่ฮู้แต๊หนา ปั๋ญญาต่ำต้อย บ่เหมือนบัวลอย น้องจั๊น พี่ยังสงสัย เรื่อง hi5 นั้น นึกว่าก๋ารบ้าน นอนาย มาหันวันนี้ พี่ปอใจ๋หาย น้ำต๋าของจาย ไหลลงอาบแก้มๆ 26/8/2551 7. รักกันไว้เถิด - ร็อครักชาติ ฮักกั๋นไว้ คนไทยเหมือนกั๋น อย่าฆ่าอย่าฟัน หื้อมันหม่นเศร้า พี่น้องกั๋น ตังนั้นแลเจ้า ครอบครัวของเฮา พี่น้อง ฮักกั๋นเต๊อะหนา ม่อนข้าขอร้อง ขอประกาศก้อง เมืองไทย พ่อแม่พี่น้อง อย่าข้องหมองใจ๋ ค่อยอู้กั๋นไป ไจ้คนอื่นผู้ 8. รักเธอเสมอ - อัสนี วสันต์.-- ฮักแต๊ๆ วิฑูรย์ ใจพรหม ฮักแต๊ๆ แน่ในใจ๋จริ๋ง บ่จุหลอกญิง หื้อหมองหม่นเศร้า จะฮักแต่ตั๋ว สายบัวน้องเหน้า บ่จ๋างจืดเบา จากฮัก ฮักแต๊ๆ หนา แต๊นาแต๊นัก เกิ๋นหักใจห้าม ดวงทัย จะฮักแต่น้อง บ่ข้องเกี่ยวไผ ฮักตลอดไป บ่ไหวหวั่นเสิ้ง 5/9/2551 9. เปลี่ยน -- etc เปลี่ยนมาหลายครั้ง หลายอย่างหลายหน เพื่อน้องหน้ามน คนงามของอ้าย หวังจะหื้อตั๋ว สายบัวดอกฝ้าย มาสนใจ๋จาย สักน้อย น้องก่อบ่สน จึ่งทนต่ำก๊อย หัวใจ๋ล่ะห้อย เดียวดาย ในเมื่อฮักนี้ บ่มีความหมาย ขอเปลี่ยนใจ๋จาย ไปหาอื่นผู้ 10. รักไม่ช่วยอะไร นัท มีเรีย บ่ขอยึดยื้อ หื้อมันปวดใจ๋ ฮักกั๋นต่อไป บ่ไหวแล้วเจ้า ยิ่งฮักยิ่งหลง ก่อคงยิ่งเศร้า ย้อนว่าสองเฮา บ่ยั้ง บ่ยอมแก้ไข เรื่องใดสักครั้ง ต๋ามจิตเจตน์ตั้ง ดวงทัย ในเมื่อฮักนี้ บ่มีตางไข ก่อจบกั๋นไป อย่าได้เกี่ยวข้อง 11. ยังมี -- ปาน ธนพร ยังมีพี่นี้ อยู่ตี้หนี้หนา อย่าฟั่งท้อนา โนจาน้องเจ้า ยังเป๋นแฮงใจ๋ หื้อนายน้องเหน้า อย่าหมองซึมเซา ใจ๋นี้ บ่ห่างไปไหน บ่ไปหลีกลี้ จะอยู่ตี้หนี้ ตวยนาง ขอหื้อนาฏน้อง อย่าข้องหมองหมาง บ่เกยเลือนลาง ไกล๋ห่างจากเจ้าๆ (ใจจ๋างจากเจ้า) 12. อยากเปลี่ยนใจเธอ -- เสก โลโซ อยากเปลี่ยนวันนี้ หื้อดีสดใส เปลี่ยนโลกตึงใบ ต๋ามใจ๋ของข้า อยากเปลี่ยนหัวใจ๋ บัวใบน้องหล้า หื้อเหลียวผ่อมา สักน้อย โลกคงสดใส ใจ๋คงจื้นจ๊อย คงสุขบ่หน้อย นอนาย เปลี่ยนได้อย่างนี้ คงดีเหลือหลาย คงม่วนใจ๋จาย สบายใจข้าๆ 17/9/2551 13. เหตุผลที่ทนเหงา Am Fine ยอมง่อมอย่างนี้ ยอมมีใจ๋เหงา ยอมอยู่กับเงา บ่เอาไผใกล้ ยังคงรอสาว ผมยาวบ้านใต้ บ่สนคนใด อื่นนั้น ย้อนว่าฮักสาว ผมยาวน้องนั้น เต๋มห้องใจ๋หั้น นอนาย รออยู่ตรงนี้ อย่างมีความหมาย รอวันตี้จาย จักได้ฮ่วมห้อง 14. ไม่ต้องเสียใจ - เสือ ธนพล อดเอาเน่อน้อง บ่ต้องเสียใจ อดสาทนไป แป๋งใจ๋เป่งป้อย ลืมเขาเต๊อะหนา โนจาสาวหน้อย ปล่อยมันล่องลอย ผ่านป๊น เช็ดน้ำต๋า ไหลมาเอ่อล้น แล้วมาเริ่มต้น แหมกำ จะดูแลน้อง ในห้องใจ๋จ๋ำ จักบ่กระทำ หื้อจ๊ำใจ๋เจ้าๆ 25/9/2551 15. สองใจ - ตุ้ย ธีรภัทร์ ได้อย่างเสียอย่าง - อัสนี วสันต์ จะฮักไผแต๊ แน่ในหัวใจ๋ จะเลือกคนใด เลือกไผนอเจ้า ความฮักสับสน หมองมนหม่นเศร้า น้องจะเลือกเอา ไผแต๊ สองฮักสองใจ๋ บ่ได้แน่แล้ บ่ใช่ตางแก้ นอนาย น้องฮักไผแต๊ แน่ในใจ๋หมาย อย่าฮักสองจาย หลายใจ๋เลยเจ้า 27/9/2551 16. ศาลาพักใจ แสตมป์ จิตใจ๋อ่อนล้า ศาลาพักใจ๋ มาแล้วก่อไป บ่ใช่ฮักมั่น แค่มาแอ่วหา เวลาสั้นๆ ใช่หวังสัมพันธ์ ใจ๋นี้ พอหายง่อมใจ๋ ก่อไปหลีกลี้ มีค่าเต้าอี้ นอนาย ศาลาหลังนี้ บ่มีความหมาย เจ็บในใจ๋จาย จ๊ำหลายบ่หน้อย 17. อกหัก อกหักแหมครั้ง ยังคงบ่หาย หัวใจ๋จะวาย ต๋ายเพราะความเศร้า เจ็บปวดใจ๋ บ่ไหวแล้วเจ้า ตุ๊กข์ในใจ๋เฮา เจ้นล้ำ มันเจ็บกล๋างใจ๋ เป๋นไปซ้ำๆ จ๊ำในใจ๋หนี้ นอนาย ฮักของพี่นี้ บ่มีความหมาย เหมือนโดนทำลาย หัวใจ๋ป่นปี้ๆ 3/11/2551 18. ไกลกัน พยุห์ กึ๊ดเติงหา แต๊นานาฏน้อง พี่ตุ๊กข์โศกต้อง นั่งหมองหม่นเหงา อยากหันน้องนี้ ตี้แก้มขาวๆ อยากจับผมยาว กอดสาวห่มผ้า ห่างกั๋นไกล๋ บ่ได้หันหน้า มันง่อมแต๊นา ใจ๋นี้ ตั้งแต่เมื่อสาว เจ้าลาหลีกลี้ พี่ง่อมใจ๋หนี้ ตึงวัน กึ๊ดเติงหาแต๊ แต่บ่ได้หัน ตึงง่อมตึงงัน ใจ๋มันหม่นเศร้าๆ 19. หมดเวลาแก้ตัว รุจ ยกโทษหลายครั้ง ยังบ่แก้ไข พี่เจ็บดวงทัย บ่ไหวแล้วเจ้า พี่เสียน้ำต๋า โศก๋าหม่นเศร้า หลายเตื้อหลายคราว หลายครั้ง แต่น้องนั้นหนา ยังบ่ายอมยั้ง ใจ๋พี่บ่ตั้ง นอนาย หัวใจ๋พี่นี้ บ่ไจ้มีหลาย น้องจะทำลาย อย่างใดแถมเจ้า 20. ก้อนหินก้อนนั้น -- โรส บีบก้อนหินไว้ ในมือน้องหนา มันเจ็บก่อนา โนจาน้องเจ้า ยามตี้ตุ๊กข์ใจ๋ ดวงทัยหม่นเศร้า เหมือนเก็บหินเอา บีบไว้ ถ้าวางก้อนหิน ลงดินแล้วไซร้ จักป๊นโศกได้ สำราญ ปล่อยวางเต๊อะไท้ แม่นัยน์ต๋าหวาน เรื่องของวันวาน หื้อมันผ่านป้น 21. พูดไม่ค่อยเก่ง AB Normal อู้บ่เก่งแต๊ แต่ฮักหมดใจ๋ บ่จ้างอู้ไป หื้อไผชอบสู้ ตั๋วพี่นี้หนา บ่าจ้างจักอู้ เนอสาวพธู น้องไท้ แต่ฮักแต๊หนอ จะขอบอกไว้ อยากมาอยู่ใกล้ คนดี ฮักน้องแต๊ๆ แม่ทองใสสี หมดใจ๋ตี้มี ของพี่เนอเจ้า |
รวมภาพต่างๆ
เรามี 26 บุคคลทั่วไป ออนไลน์
Comments